Virðulegi forseti. Hér er um bráðabirgðaákvæði að ræða og ég tel að þetta sé sérstök aðgerð vegna rækjuvinnslunnar. Við höfum rætt hér á Alþingi um vanda rækjuiðnaðarins og þau áhrif sem sá vandi hefur haft á sjávarbyggðir þar sem rækjuveiðar og -vinnsla er mikil. Menn hafa fjárfest í þeirri atvinnugrein og við vonum að hún komi til aftur. En ekki er eðlilegt annað en að bregðast við með þeim hætti og hæstv. sjávarútvegsráðherra er að gera.