Kl. 1.30, að loknu hádegishléi, fer fram atkvæðagreiðsla um fyrstu dagskrármálin. Þá vill forseti geta þess að að loknum atkvæðagreiðslum fer fram umræða utan dagskrár um framtíðaruppbyggingu Háskólans á Akureyri. Málshefjandi er hv. þm. Hlynur Hallsson. Hæstv. menntamálaráðherra, Þorgerður K. Gunnarsdóttir, verður til andsvara. Umræðan fer fram samkvæmt 1. mgr. 50. gr. þingskapa og stendur í hálfa klukkustund.