Hæstv. forseti. Ég held að þegar allt kemur til alls séu menn ekki ýkja ósammála í þessum málum. Það skiptir mestu máli fyrir íslenskt samfélag og fyrir sameiginlega hagsmuni okkar sem þjóðar að okkur takist að mynda breiða samstöðu um þessi mál, bæði varðandi stefnu í málefnum aðkomufólks til Íslands, málefnum innflytjenda, og einnig hitt að íslenskir kjarasamningar og lög og reglur sem gilda um réttindi íslensks launafólks séu virt og gildi einnig gagnvart aðkomufólki .