Aðrar útgáfur af skjalinu: PDF - Word Perfect. Ferill 655. máls.
133. löggjafarþing 2006–2007.
Þskj. 1192  —  655. mál.




Breytingartillögur



við frv. til l. um réttarstöðu liðsafla aðildarríkja Atlantshafsbandalagsins og Samstarfs í þágu friðar o.fl.

Frá meiri hluta utanríkismálanefndar (HBl, ÖS, JónK, DrH, JGunn,


SæS, ÞSveinb, SÞorg.)


     1.      Við 2. gr. Í stað orðanna „alþjóðasamninga sem“ í 2. mgr. komi: alþjóðasamninga sem eru skuldbindandi fyrir Ísland að þjóðarétti og.
     2.      Við 6. gr. 3. mgr. orðist svo:
             Hver sá sem með gáleysi eða ásetningi skýrir án leyfis frá hernaðarundirbúningsaðgerðum eða tekur eða birtir myndir hvers konar, þ.m.t. loftmyndir, af hernaðarmannvirkjum, birgðaskemmum eða búnaði erlends liðsafla skv. 2. gr., skal sæta sektum eða fangelsi allt að þremur árum enda sé um að ræða auglýst bannsvæði sem sé afgirt eða för almennings inn á það eða um það bönnuð með merkjum eða með öðrum glöggum hætti.