Aðrar útgáfur af skjalinu: PDF - Word Perfect. Ferill 443. máls.
133. löggjafarþing 2006–2007.
Þskj. 1248  —  443. mál.




Breytingartillaga



við frv. til l. um íslensku friðargæsluna og þátttöku hennar í alþjóðlegri friðargæslu.

Frá minni hluta utanríkismálanefndar (ÖS, JGunn, ÞSveinb, SJS).



Við 1. gr.
     a.      Í stað a–e-liða 2. mgr. komi:
              a.      Þátttaka borgaralegra sérfræðinga í verkefnum sem lúta að því að tryggja stöðugleika og starfa með heimamönnum á átakasvæðum.
              b.      Verkefni borgaralegra sérfræðinga sem stuðla að uppbyggingu stjórnmála- og efnahagslífs í þeim tilgangi að koma á varanlegum friði.
              c.      Verkefni borgaralegra sérfræðinga sem stuðla að uppbyggingu innviða samfélags að loknum ófriði, svo sem við stjórnsýslu, veitukerfi og fjarskipti.
              d.      Þátttaka borgaralegra sérfræðinga í fyrirbyggjandi verkefnum sem miða að því að hindra að ófriður brjótist út á svæðum þar sem óstöðugleiki ríkir.
     b.      Við bætist ný málsgrein sem orðist svo:
                 Verkefni íslensku friðargæslunnar mega aldrei brjóta í bága við ákvæði mannúðar- og mannréttindasamninga.