Hæstv. forseti. Hér kemur til atkvæða breytingartillaga sem varðar það að setja inn í 2. gr., sem er markmiðsgrein frumvarpsins, að í leikskólum skuli ræktaðir hæfileikar barna til tjáningar og sköpunar í þeim tilgangi m.a. að skerpa sjálfsmynd þeirra og heilbrigðisvitund. Við bætum inn „skilningi og virðingu fyrir mannréttindum“. Við teljum það við hæfi á 60 ára afmæli mannréttindayfirlýsingar Sameinuðu þjóðanna að setja ákvæði af þessu tagi inn í leikskólalögin og segi ég því já.