listamannalaun.
Virðulegi forseti. Í þessu frumvarpi er skynsamlegt að opna leiðir fyrir sviðslistafólk og hönnuði eins og gert er ráð fyrir. Það er jafnframt ástæða til að fagna því að verið sé að opna á möguleika til þess að flytja fjármuni á milli launasjóða.
Hins vegar er sá ljóður á ráði þessa frumvarps að það gerir ráð fyrir því að það sé fjármagnað með lántökum, dýrum lánum eins og kemur glögglega fram í mati fjárlagaskrifstofu fjármálaráðuneytisins og þess vegna er útilokað við þessar aðstæður að styðja þetta frumvarp eins og það er úr garði gert. Þess vegna sit ég hjá.