ríkisábyrgð á lántöku Tryggingarsjóðs innstæðueigenda og fjárfesta.
Frú forseti. Ég fer fram á að hæstv. forsætisráðherra verði viðstaddur þessa umræðu, enda er þetta líklega eitthvert mesta hagsmunamál í sögu þjóðarinnar og þegar hefur komið á daginn að hæstv. forsætisráðherra hvorki þekkir málið né skilur, svoleiðis að ég held að ráðherranum veiti ekki af því að vera við þessa umræðu til að setja sig þá inn í málið. Að sjálfsögðu fer ég einnig fram á að hæstv. fjármálaráðherra komi í salinn áður en umræður hefjast á ný.