Frú forseti. Ég þakka spurninguna einfaldlega út af því að ég er eiginlega í hálfgerðu sjokki yfir vinnubrögðunum hérna. Þegar ég heyrði af því í gær á þingflokksformannafundi klukkan rúmlega sex að minni hlutinn fengi aðgang að nefndarstarfsmönnum klukkan átta um kvöldið til að klára álit sitt og ættu að vinna að þessu í nótt, þá féllust mér eiginlega hendur. Ég vona að við munum leggja mikið kapp á að reyna að breyta þessum vinnubrögðum þegar kemur að haustþingi.