Virðulegi forseti. Hvað varðar fyrri spurninguna, varðandi gjaldfellingarákvæðið, er ljóst að ef lánið er gjaldfellt þurfum við ekki að borga nema 6% af hagvexti ársins. Efnahagslegu fyrirvararnir girða fyrir það.

Í öðru lagi er forsenda efnahagslegu fyrirvaranna 75% endurheimtur. Ef endurheimtur fara neðar, þ.e. ef aðrir aðilar fá meira í sinn hlut, verður einfaldlega eftir afgangur þannig að efnahagslegu fyrirvararnir ráða við það líka.