ríkisábyrgð á lántöku Tryggingarsjóðs innstæðueigenda og fjárfesta.
Frú forseti. Þetta eru ágætar spurningar og ég skal fúslega viðurkenna að ég get ekki svarað fyrir þá menn sem hún nefndi hér. Þeir voru að spekúlera í sínum ranni, þeir voru að spekúlera út frá sínum (RR: Samt erum við að …) sjónarmiðum. Ég er hvorki Jón Sigurðsson né Ingibjörg Sólrún Gísladóttir, ég tala hér fyrir minn munn, ég var ekki genginn í Samfylkinguna á þessum tíma og get ekki tjáð mig fyrir hönd þess flokks á þeim tíma. Þessir menn sem hv. þingmaður nefndi á nafn töluðu væntanlega út frá sínu brjósti á þeim tíma. Ég var ekki í þeirra ranni á þeim tíma og get þess vegna ekki talað fyrir þeirra hönd. Þó það nú væri. (Gripið fram í: Þú getur gert það …) Mín skoðun er einfaldlega sú (Gripið fram í: Þú getur gert …) að þessir flokkar og þessir menn hafi ekki haft réttar upplýsingar til taks þegar þessi ummæli voru uppi höfð.