Virðulegi forseti. Ég vil vekja athygli á því að hér í þingsalnum er enginn þingmaður meiri hlutans, ekki einn einasti. Síðast þegar ég leit á var enginn á mælendaskrá. Hér er heldur enginn ráðherra að fylgjast með umræðunni í einhverju mesta hagsmunamáli íslensku þjóðarinnar fyrr og síðar.

Ég óska eftir því, hæstv. forseti, að þeir ráðherrar sem hvað mesta ábyrgð bera á málinu verði kallaðir hér í salinn.