Frú forseti. Þetta er eiginlega meðsvar. Mig langar að þakka hæstv. dóms- og mannréttindamálaráðherra fyrir að leggja fram þetta frumvarp um ein hjúskaparlög í landinu. Ég styð það og fagna því og vona að það verði að lögum sem fyrst. Um er að ræða aukin mannréttindi og mér finnst að Ísland eigi alltaf að vera í fararbroddi þegar kemur að mannréttindum því að í þannig landi vil ég búa. Því þakka ég hæstv. ráðherra fyrir frumkvæðið.