Frú forseti. Hér er hv. þm. Ásbjörn Óttarsson eflaust að vitna í orð mín í andsvari við að ég held formann Sjálfstæðisflokksins þar sem ég lagði á það áherslu að það væru meðmæli með þeim samningi sem þá var kynntur að fjármálaráðherra sem hafði manna ákveðnast barist gegn Icesave-samningnum hefði sagt að þetta væri líklega ásættanleg niðurstaða. (Gripið fram í: Ja, hann …) Vissulega hefur þetta tekið breytingum og til batnaðar, til að mynda með góðri vinnu Alþingis og með þeim efnahagslegu fyrirvörum sem ræddir voru í áliti efnahags- og skattanefndar.

Ég sagði þá og ítreka það hér aftur að það eru meðmæli með mikilvægi þess að við göngum frá þessu máli að Steingrímur J. Sigfússon, eitt sinn í stjórnarandstöðu og núverandi fjármálaráðherra, hafi barist fyrir því að klára það.