Frú forseti. Ég verð bara að viðurkenna að ég átta mig ekki alveg á því hvað hv. þingmaður er að spyrja um. Ég sé ekki að það hafi neinar efnahagslegar afleiðingar að framkvæmdarvaldið hafi skipað málum með þessum hætti. Ég átta mig bara ekki á þessu. Við tókum afstöðu til þess í nefndinni (Gripið fram í.) hvernig við höfum áhrif. Getum við staðið á bak við þessa skuldbindingu eins og fjárlaganefnd bað okkur um? Við tókum afstöðu til þess í áliti nefndarinnar.

Rauði þráðurinn í þessum málflutningi hjá andstæðingum málsins er að þeir telja að Icesave-skuldbindingin hverfi bara upp í loft ef við förum ekki að taka á þessu máli og tækla þetta með einhverjum hætti. Málflutningurinn litast af þessu, að með því að ýta málinu eða fresta því eða setja það eitthvert annað gleymist það. (Gripið fram í: … bara ekki svara …) Fara ofan í skúffuna? Það er bara því miður ekki svo. (Gripið fram í: Það er enginn að …)