Svo að það sé alveg ljóst, hv. þingmenn, þá eru bæði hæstv. fjármálaráðherra og hæstv. forsætisráðherra í húsinu. Forseti vill beina þeim tilmælum eða ábendingum til hv. þingmanna að þeir geta að sjálfsögðu einnig óskað eftir því að málið verði tekið til nefndar á milli 2. og 3. umr. Mjög margir eru á mælendaskrá þannig að ljóst er að þessi umræða verður löng og ströng í dag, þannig að forseti telur rétt að halda áfram með dagskrána og hv. þingmenn munu fá tilkynningu um ef einhverjar breytingar verða þar á.