Herra forseti. Ég vil ítreka það sem hefur komið fram: Tilboð stjórnarandstöðunnar um að dagskrá verði hliðrað til, þannig að önnur mikilvæg mál komist á dagskrá og til nefnda, stendur að sjálfsögðu enn. Ég spurðist einnig fyrir um það fyrr í kvöld hvort einhverjar forsendur væru til að breytingar yrðu gerðar í meðferð nefndar á því frumvarpi sem við fjöllum um, herra forseti. Jafnframt óskaði ég eftir að hæstv. forseti athugaði hvort fyrir lægi að nefndin hygðist vinna milli umræðna. Það er liðið á kvöldið og ég skil vel að erfitt sé að fá svör við því en ég vil koma þessu á framfæri við forseta.