Herra forseti. Til að taka af allan vafa um það er ekki verið að leggja hér á nýjar álögur heldur er að fengnu áliti umboðsmanns Alþingis verið að veita skýra lagaheimild til að taka gjald af þeim sem koma inn á sjúkrahótel. Þetta gjald hefur verið innheimt frá árinu 2006 og hefur verið óbreytt frá þeim tíma. Innheimtu þess var hætt í haust í framhaldi af úrskurði umboðsmanns Alþingis, 11. september held ég að það hafi verið. Gjaldið hefur ekki verið innheimt síðan en verður nú innheimt áfram óbreytt. Ég segi já.