Virðulegur forseti. Í fullkominni vinsemd ætla ég að gera það og þá ber að hafa í huga að Icesave-málið, eins og við þekkjum það og höfum fjallað um í marga mánuði, er til komið vegna hruns eins banka. Ef við skoðum þennan blessaða innstæðutryggingarsjóð kemur náttúrlega í ljós að hann var varla til þess vaxinn að mæta nokkru áfalli. Hér var hins vegar farið að evrópsku regluverki (Gripið fram í.) og það vekur athygli — Icesave-málið, hv. þingmaður, er til komið vegna hruns eins banka, það er augljóst. Það er væntanlega ekki komið til út af hruni annarra banka. Icesave-málið tengist Landsbanka Íslands, einum banka, og er til komið vegna hans.