Virðulegi forseti. Frá upphafi þessa máls hefur Framsóknarflokkurinn barist fyrir því að öll gögn yrðu uppi á borðinu og að öll sjónarmið yrðu tekin til skoðunar. Það hefur á margan hátt tekist og langstærstur hluti þjóðarinnar áttar sig á því hversu slæmt og alvarlegt mál er hér á ferðinni. Því ber að fagna. Engu að síður eru enn þá ókönnuð gögn sem varpað geta ljósi á þetta mál, gögn sem hafa ekki verið lögð fram eins og kom fram hér fyrr í dag.

Við framsóknarmenn greiðum atkvæði með frávísunartillögu Sjálfstæðisflokksins, enda er okkar frávísunartillaga af sama meiði.