styrkir frá ESB.
Hæstv. forseti. Það er angi af sama máli sem ég vildi spyrja hæstv. utanríkisráðherra um og það varðar styrki sem íslenska ríkið hyggst eða hyggst ekki taka við frá Evrópusambandinu í tengslum við aðlögunarferlið og viðræðurnar við sambandið, IPA-styrki og TAIEX-styrki og hvað þeir heita. Það hefur verið nokkuð óljóst hver væri nákvæmlega staða þessara styrkjamála. Ég hef lesið í fjölmiðlum að gerð hafi verið samþykkt í ríkisstjórninni skömmu fyrir jól um tiltekna aðferð í því sambandi. Ég spyr hæstv. utanríkisráðherra: Hvernig standa málin í sambandi við þessa styrki? Verður sótt um styrki? Hver sækir um styrki? Hver á síðan að úthluta þeim og til hvaða verkefna?