þjónustuviðskipti á innri markaði Evrópska efnahagssvæðisins.
Frú forseti. Við ræðum hér mjög stórt mál og mig langar að spyrja hæstv. ráðherra hvort þessi tilskipun og innleiðing hennar, sem hér stendur fyrir dyrum, muni skerpa á verkaskiptingu ríkis, sveitarfélaga, ríkisfyrirtækja, lífeyrissjóða og fleiri opinberra aðila og svo einkaaðila sem eru með viðkomandi þjónustu. Það má segja að ríkið reki meira að segja hárgreiðslustofur inni á sjúkraheimilum þannig að þetta tekur til mjög margra þátta eins og bókhalds, hugbúnaðargerðar, lögfræðiþjónustu, vegagerðar, orkuframleiðslu til erlendrar stóriðju o.s.frv. — allt þetta er í dag á hendi opinberra aðila í samkeppni við einkaaðila. Mun þetta frumvarp, ef það verður að lögum, skerpa á aðgreiningu þarna á milli og hugsanleg útiloka ákveðna þjónustu sem opinberir aðilar og hálf-opinberir aðilar veita?