Virðulegur forseti. Hér er að koma til atkvæða við 2. umr. frumvarp til laga um lækkun á virðisaukaskatti á tónlist og bækur sem miðlað er á rafrænu formi, sömuleiðis afnám tolla og vörugjalda á ýmsum tækjum sem notuð eru til að neyta tónlistar og rafbóka, og er fyrst og fremst til þess að örva rafbókavæðingu Íslands og skapa góð almenn skilyrði fyrir skapandi greinar í landinu.

Ég vil þakka nefndarmönnum í efnahags- og skattanefnd góða samvinnu og samstöðu um þessar skattalækkanir.