Virðulegi forseti. Sveitarfélögin hafa nú síðustu ár leitað allra leiða til að draga úr rekstrarkostnaði og meðal annars leitað samstarfs við stjórnvöld um hagræðingu í sínum stærsta útgjaldalið sem er skólakerfið en hafa ekki haft árangur sem erfiði. Mér finnst það því ekki eiga við við þessar aðstæður að Alþingi sé á sama tíma nú að afgreiða tillögur sem eru beinlínis til að auka rekstrar- og stjórnunarkostnað sveitarfélaganna og styð því tillögu Marðar Árnasonar.