Aðrar útgáfur af skjalinu: PDF - Word Perfect. Ferill 51. máls.
139. löggjafarþing 2010–2011.
Þskj. 138  —  51. mál.




Svar



heilbrigðisráðherra við fyrirspurn Gunnars Braga Sveinssonar um störf á heilbrigðisstofnunum.

    Fyrirspurnin hljóðar svo:
    Hvað er áætlað að margir missi vinnuna á heilbrigðisstofnunum á landsbyggðinni nái niðurskurðartillögur ríkisstjórnarinnar fram að ganga? Svar óskast sundurliðað eftir kynjum.

    Samhliða vinnu ráðuneytisins við gerð tillagna um samdrátt í rekstri heilbrigðsstofnana var reynt að leggja mat á fækkun starfsmanna, næðu tillögurnar fram að ganga. Niðurstöður má sjá í eftirfarandi töflum sem unnar voru í ráðuneytinu.
    Helstu niðurstöður eru eftirfarandi. Á landsbyggðinni má ætla að starfsmönnum fækki um samtals 456 einstaklinga (312 stöðugildi), verði ekki breytingar á frumvarpinu í meðförum þingsins. Af þeim fjölda má gera ráð fyrir að 369 einstaklingar (253 stg.) séu konur.
    Fjárlagafrumvarpið gerir ráð fyrir því að styrkja starf heilsugæslunnar með auknum fjárveitingum, einkum til sjúkraflutninga, sálfélagslegrar þjónustu við börn og ungmenni og heimahjúkrunar. Auknum fjárveitingum fylgja störf og er reiknað með fjölgun starfa fyrir allt að 63 (50 stg.) einstaklinga.
    Þannig gæti frumvarpið falið í sér fækkun starfsmanna um 393 einstaklinga (261 stg.) þegar tekið hefur verið tillit til þessa.

Skýringar á töflum.
    Upplýsingar í töflum 1 og 2 eru unnar úr launakerfi ríkisins og lýsa stöðunni í maímánuði 2010, upplýsingar um fjölda atvinnulausra eru frá Vinnumálastofnun og lýsa ástandinu í ágústmánuði sl. Í töflu 2 er reynt að draga fram áhrif samdráttarins á starfsstéttir eftir stofnunum. Miðað er við starfaflokkunarkerfi Hagstofu Íslands, ÍSTARF, en samkvæmt þeirri flokkun er starfsgreinum skipað saman í flokka eftir skyldleika. Tveir flokkar eru brotnir meira niður en aðrir til að nálgast áhrif samdráttarins á störf hinna eiginlegu heilbrigðisstétta.
    Upplýsingar um fjölda þeirra sem eru 65 ára og eldri eru dregnar fram í ljósi þess að fækkun starfsfólks sem hættir störfum vegna aldurs geta orðið til þess að milda áhrif fyrirséðra uppsagna.


Tafla 1

Heildarfjöldi starfsmanna1

Hlutfall kvenna2 Fjöldi stöðugilda í dagvinnu3 Fækkun starfsmanna4 Fækkun stöðugilda5 Áætlaður fjöldi starfsmanna eftir samdrátt6 Áætlaður fjöldi dagvinnustöðugilda eftir samdrátt7 Fjöldi 65 ára og eldri8 Fjöldi
stg. 65 ára
og eldri9
Atvinnuleysi upptökusvæðis10
Stofnun: Fjöldi Þar af konur
Heilbrigðisstofnun Austurlands 364 84% 254 78 54 286 200 30 22 220 62,3%
Heilbrigðisstofnun Suðurlands 379 80% 247 63 41 316 206 18 11 614 47,1%
Heilbrigðisstofnun Suðurnesja 296 87% 212 78 56 218 156 13 9 1.283 49,0%
Heilbrigðisstofnun Vestfjarða 159 86% 119 30 22 129 97 4 3 92 62,0%
Heilbrigðisstofnun Vesturlands 469 81% 295 26 16 443 279 21 12 327 59,3%
Heilbrigðisstofnun Þingeyinga 159 81% 103 67 43 92 60 8 5 103 56,3%
Heilbrigðisstofnunin Blönduósi 70 80% 50 11 8 59 42 7 4 38 36,8%
Heilbrigðisstofnunin Fjallabyggð 96 76% 56 17 10 79 46 6 3 33 51,5%
Heilbrigðisstofnunin Patreksfirði 46 78% 29 5 3 41 25 6 5 21 61,9%
Heilbrigðisstofnunin Sauðárkróki 145 90% 105 43 31 102 74 4 3 54 51,9%
Heilbrigðisstofnunin Vestmannaeyjum 102 88% 69 29 19 73 49 8 6 53 64,2%
Heilsugæslustöðin Dalvík 26 62% 10 1 0 25 9 0 0 32 46,9%
Sjúkrahúsið á Akureyri 605 85% 446 9 6 596 440 35 21 678 50,9%
Heilsugæsla á höfuðborgarsvæðinu 595 83% 455 15 11 580 444 33 25
11 9046

44,5%
Landspítali 4.795 81% 3.754 68 53 4.727 3.700 276 221
St. Jósefsspítali, Sólvangur 255 87% 183 96 69 159 114 25 21
Samtals/meðaltal: 8.561 82% 6.387 634 445 7.927 5.942 494 372
     1.     Fjöldi kennitalna á launaskrá
     2.     Hlutfall kvenna af fjölda starfsmanna
     3.     Dagvinnustöðugildi
     4.     Reiknaður fjöldi
     5.     Vegið meðaltal af hlutdeild starfsstéttar í heildarlaunagjöldum viðkomandi stofnunarinnar.
     6.     1–4
     7.     3–5
     8.     Fjöldi þeirra sem eru fæddir 1945 og fyrr
     9.     Dagvinnustöðugildi þeirra sem eru fæddir 1945 og fyrr
     10.     Fjöldi á atvinnuleysisskrá
     11.     Atvinnuleysi höfuðborgarsvæðisins

Hér er efni sem sést aðeins í pdf-skjalinu.