Aðrar útgáfur af skjalinu: PDF - Word Perfect. Ferill 186. máls.
139. löggjafarþing 2010–2011.
Prentað upp.

Þskj. 1407  —  186. mál.
Leiðréttur texti.




Breytingartillögur



við frv. til l. um breyt. á l. um meðhöndlun úrgangs, nr. 55/2003, með síðari breytingum.

Frá meiri hluta umhverfisnefndar (MÁ, ÓÞ, PHB, GLG, KÞJ, SkH, BirgJ).



     1.      Við 1. gr.
                  a.      1. og 2. tölul. a-liðar falli brott.
                  b.      Í stað orðsins „rafhlaða“ í 3. tölul. a-liðar komi: rafhlaðna.
                  c.      5. tölul. a-liðar orðist svo: Námuúrgangsstaður: staður í námu þar sem spilliefni sem notuð eru eða til falla við námuvinnsluna eru meðhöndluð sem úrgangur.
                  d.      7. tölul. a-liðar falli brott.
                  e.      2. tölul. b-liðar orðist svo: Raf- og rafeindatækjaúrgangur: raf- og rafeindatæki sem fleygt er, í heild eða að hluta, þar á meðal íhlutir, undireiningar og aukahlutir.
     2.      Við 2. gr.
                  a.      Í stað orðanna „bæta umhverfisvæna endurnotkun“ í 1. og 2. mgr. a-liðar komi: bæta endurnotkun.
                  b.      Í stað orðanna „og hún skal aðgengileg á heimasíðu“ í 1. mgr. a-liðar komi: m.a. á vefsetri.
     3.      Við 4. gr. Í stað orðanna „skilakerfi fyrir drykkjarvöruumbúðir“ í b-lið komi: frá félagi sem sér um söfnun og endurvinnslu umbúða sem falla undir lög nr. 52/1989, um ráðstöfun gegn umhverfismengun af völdum einnota umbúða fyrir drykkjarvörur.
     4.      6. gr. falli brott.
     5.      Við 7. gr.
                  a.      Í stað orðanna „Við lögin bætist nýr kafli, V. kafli“ í 1. málsl. komi: Á eftir III. kafla laganna kemur nýr kafli, IV. kafli.
                  b.      Í stað orðanna „flokka og skila rafhlöðum og rafgeymum“ í 2. mgr. a-liðar (30. gr.) komi: flokka rafhlöður og rafgeyma og skila þeim.
                  c.      Í stað orðanna „selja og dreifa rafhlöðum og rafgeymum“ í 3. mgr. a-liðar (30. gr.) komi: selja rafhlöður og rafgeyma og dreifa þeim.
                  d.      Í stað orðsins „rafhlaða“ í 1. og 3. mgr. b-liðar (31. gr.), tvívegis í c-lið (32. gr.) og tvívegis í d-lið (33. gr.) komi: rafhlaðna.
     6.      Við 8. gr.
                  a.      Í stað orðanna „Námuúrgangsstaðir skulu“ í 1. mgr. a-liðar (34. gr.) komi: Námuúrgangsstaður er förgunarstaður og skal.
                  b.      Á undan orðunum „aðgerðir til að draga úr áhættu“ í 2. mgr. c-liðar (36. gr.) komi: greinargerð um.
                  c.      Í stað orðanna „aðgerðir í kjölfar lokunar, aðgerðir til að draga úr hættu á mengun vatns, lofts og jarðvegs, sem og könnun á ástandi svæðisins sem verður fyrir áhrifum af úrgangsstaðnum“ í 2. mgr. c-liðar (36. gr.) komi: um aðgerðir í kjölfar lokunar, um aðgerðir til að draga úr hættu á mengun vatns, lofts og jarðvegs, sem og niðurstöður könnunar á áhrifasvæði námuúrgangsstaðarins.
                  d.      Í stað orðanna „á aðgengilegu formi upplýsingar þar um“ í 1. mgr. d-liðar (37. gr.) komi: aðgengilegar upplýsingar um þá hættu.
                  e.      1. tölul. 2. mgr. d-liðar (37. gr.) orðist svo: líkur eru á að hrun haugs eða stíflubrestur á námuúrgangsstaðnum geti valdið stórslysi samkvæmt áhættumati sem gert er fyrir staðinn, en í því skal m.a. tekið tillit til umfangs námuúrgangsstaðarins, einnig fyrirhugaðs framtíðarumfangs, staðsetningar hans og umhverfisáhrifa frá honum, eða.
                  f.      Í stað orðanna „sem flokkast sem spilliefni yfir ákveðnum mörkum“ í 2. tölul. 2. mgr. d-liðar (37. gr.) komi: sem yfir ákveðnum mörkum flokkast sem spilliefni.
                  g.      Í stað orðanna „sem flokkast sem hættulegar yfir ákveðnum mörkum“ í 3. tölul. 2. mgr. d-liðar (37. gr.) komi: sem yfir ákveðnum mörkum flokkast sem hættuleg.
                  h.      Í stað orðanna „í kjölfar lokunar“ í 1. mgr. e-liðar (38. gr.) komi: eftir lokun.
                  i.      Í stað orðanna „líkleg umhverfisáhrif sem staðurinn mun valda“ í 2. mgr. e-liðar (38. gr.) komi: umhverfisáhrif sem líklegt er að verði af starfseminni.
                  j.      Orðin „sem og úttekt á þeim aðgerðum sem eru gerðar til að draga úr áhrifum sem úrgangsstaðurinn veldur“ í 2. mgr. e-liðar (38. gr.) falli brott.
     7.      Við 9. gr.
                  a.      Í stað orðsins „til“ í e-lið a-liðar komi: við.
                  b.      Í stað orðanna „stjórnun námuúrgangsstaða, kröfur um úrgangsáætlanir sem framkvæmdaaðilar námuúrgangsstaða skulu gera“ í f-lið a-liðar komi: stjórnun námuúrgangsstaðar, kröfur um úrgangsáætlanir frá rekstraraðilum námuúrgangsstaðar.
                  c.      Í stað orðsins „varðandi“ í b-lið komi: um.
     8.      Við 10. gr. bætist nýr liður er orðist svo: Í stað orðanna „gjaldskrá sem ráðherra setur að fenginni tillögu stýrinefndar og umsögn Sambands íslenskra sveitarfélaga“ í 3. málsl. 1. mgr. kemur: 11. gr.
     9.      Við 11. gr.
                  a.      Í stað orðanna „og tollskrárnúmer þeirra“ í a-lið komi: tollskrárnúmer þeirra og flokkun.
                  b.      Á eftir a-lið komi tveir nýir stafliðir er orðist svo:
                      b.      2. og 3. málsl. 1. mgr. orðast svo: Í ábyrgð framleiðanda og innflytjanda felst að þeir skulu fjármagna og tryggja meðhöndlun raf- og rafeindatækjaúrgangs sem fellur til á landinu öllu. Þó er frátalin söfnun til söfnunarstöðva sveitarfélaga ef skilakerfi notast við þær við söfnun sína.
                      c.      Orðið „sveitarfélaga“ í 4. málsl. 1. mgr. fellur brott.
                  c.      1. mgr. b-liðar falli brott.
     10.      Við 12. gr.
                  a.      Við bætist nýr liður er orðist svo: B-liður 1. mgr. orðast svo: tryggja söfnun og móttöku raf- og rafeindatækjaúrgangs alls staðar á landinu, svo sem frá söfnunarstöðvum sveitarfélaga, og í samráði við sveitarfélögin.
                  b.      2. málsl. 1. efnismgr. orðist svo: Tilgreina skal í reglugerð hvernig staðið skal að uppgjöri milli skilakerfa, þar á meðal um útreikning fjárkröfu milli skilakerfa og um einingarverð á hvert kíló eftir flokkum raf- og rafeindatækja.
                  c.      4. málsl. 1. efnismgr. orðist svo: Það ræðst af markaðshlutdeild skilakerfis, þ.e. hlutfalli af innflutningi og/eða framleiðslu raf- og rafeindatækja, hversu miklu skilakerfi ber að safna af raf- og rafeindatækjaúrgangi á því tímabili.
                  d.      Í stað orðanna „Hafi tvö eða fleiri skilakerfi fengið leyfi til að starfa sem skilakerfi og eru starfandi “ í 3. málsl. 2. efnismgr. komi: Séu fleiri en eitt skilakerfi að störfum.
                  e.      4. málsl. 2. efnismgr. orðist svo: Skilakerfi skal á vefsetri sínu birta upplýsingar um það hvar unnt er að skila raf- og rafeindatækjaúrgangi.
                  f.      Í stað orðanna „hvern ársfjórðung“ og orðsins „varðandi“ í 1. málsl. 3. efnismgr. komi: hver ársfjórðungamót, og: fyrir.
                  g.      Við greinina bætist nýr liður er orðist svo: Í stað tilvísunarinnar „2. málsl. 4. mgr.“ í 5. mgr. kemur: 2. málsl. 7. mgr.
     11.      Við 13. gr.
                  a.      Efnismálsgrein a-liðar orðist svo:
                      Stjórn Úrvinnslusjóðs, sbr. lög nr. 162/2002, um úrvinnslugjald, gegnir jafnframt hlutverki stýrinefndar. Stýrinefndin starfar sjálfstætt.
                  b.      1. efnismálsl. b-liðar orðist svo: Nú eru fleiri en eitt skilakerfi að störfum og ekki næst samkomulag um landfræðilega skiptingu við starfsemi þeirra, og skal stýrinefnd þá leita hagkvæmra leiða til þess að söfnun, móttaka og meðhöndlun raf- og rafeindatækjaúrgangs frá heimilum fari fram með skynsamlegum hætti.
                  c.      Á eftir d-lið komi nýr stafliður er orðist svo: Í stað orðanna „sem fram kemur í viðauka I“ í d-lið 4. mgr. kemur: sbr. 31. gr.
     12.      Við 15. gr.
                  a.      Efnismálsliðir a-liðar orðist svo: Telji stýrinefnd að einhver framleiði eða flytji inn raf- og rafeindatæki sem falla undir lögin en sé ekki aðili að skilakerfi skal hún tilkynna það til Umhverfisstofnunar. Stofnunin skal að fenginni tilkynningu gefa þeim sem um ræðir kost á að tjá sig um hvort hann framleiðir eða flytur inn raf- eða rafeindatæki sem falla undir lögin.
                  b.      Í stað orðanna „úr bókhaldi skilakerfa eða framleiðanda og innflytjanda varðandi sölumagn raf- og rafeindatækja“ 1. efnismálsl. e-liðar komi: um sölu raf- og rafeindatækja úr bókhaldi skilakerfa eða framleiðanda og innflytjanda.
                  c.      Í stað orðsins „var“ í 3. efnismálsl. e-liðar komi: er.
                  d.      Við bætist nýr stafliður er orðist svo: Í stað orðanna „þeir fá“ í 2. málsl. 3. mgr. kemur: hún fær.
     13.      Við 16. gr. Í stað orðanna „taka mið af“ í 1. og 2. efnismgr. komi: nema.
     14.      Við 20. gr.
                  a.      Orðin „skilakerfi um drykkjarvöruumbúðir eða“ falli brott.
                  b.      Í stað orðanna „svipta skilakerfi leyfi“ komi: svipta skilakerfið leyfi.
     15.      Við 21. gr.
                  a.      Í stað orðanna „Ákvarðanir um útgáfu starfsleyfa“ og „ákvörðun um útgáfu starfsleyfis“ í a-lið komi: Ákvörðun um útgáfu starfsleyfis, og: ákvörðunin.
                  b.      B-liður falli brott.
     16.      Við 23. gr.
                  a.      Í stað orðanna „Lög þessi eru sett til innleiðingar á“ og „og til innleiðingar á“ komi: Með lögum þessum er innleidd, og: svo og.
                  b.      Á undan orðunum „sem vísað er til“ komi: og um niðurfellingu tilskipunar 91/157/ EBE.
                  c.      Lokamálsliður falli brott.
     17.      Við 25. gr.
                  a.      Á undan a-lið 1. tölul. komi nýr stafliður er orðist svo: 7. gr. laganna fellur brott.
                  b.      Í stað orðsins „rafhlaða“ í b-lið a-liðar 1. tölul. komi: rafhlaðna.
                  c.      Í stað orðanna „einn frá Samtökum iðnaðarins, einn frá SVÞ – Samtökum verslunar og þjónustu, einn frá Félagi atvinnurekenda og einn frá Sambandi íslenskra sveitar félaga“ í b-lið 1. tölul. komi: einn sem Samtök iðnaðarins tilnefna, einn sem SVÞ – Samtök verslunar og þjónustu tilnefna, einn sem Félag atvinnurekenda tilnefnir og einn sem Samband íslenskra sveitarfélaga tilnefnir.
                  d.      Í stað orðanna „skipaður er af ráðherra“ í b-lið 1. tölul. komi: ráðherra skipar.
                  e.      Í stað orðanna „að kjósa“ í b-lið 1. tölul. komi: atkvæðagreiðslu.
                  f.      Á undan c-lið 1. tölul. komi nýr stafliður er orðist svo: Ákvæði til bráðabirgða I–III í lögunum falla brott.
                  g.      C-liður 1. tölul. orðist svo: Viðauki III við lögin, Einnota drykkjarvöruumbúðir með skilagjaldi úr áli, stáli, gleri og plastefnum, fellur brott.
                  h.      Við bætist nýr töluliður er orðist svo: Lög nr. 52/1989, um ráðstafanir gegn umhverfismengun af völdum einnota umbúða fyrir drykkjarvörur, með síðari breytingum: 4. gr. laganna orðast svo:
                      Í reglugerð sem umhverfisráðherra setur skal kveðið nánar á um framkvæmd laga þessara, m.a. um fjárhæð, innheimtu og endurgreiðslu skilagjaldsins, gerð og efnisval skilagjaldsskyldra umbúða fyrir drykkjarvörur og upphæð umsýsluþóknunar. Við ákvörðun umsýsluþóknunar skal við það miðað að félagið geti staðið undir kostnaði við starfsemina og skilað hluthöfum hóflegum arði af hlutafé.
                      Umhverfisráðherra er heimilt að setja í reglugerð ákvæði um bann við notkun og sölu einnota drykkjarvöruumbúða sem ekki er unnt eða torvelt er að endurnota eða endurnýta, kröfur um meðhöndlun notaðra drykkjarvöruumbúða og móttökuskilyrði, ákvæði um skyldu framleiðenda og innflytjenda til að merkja drykkjarvöruumbúðir, m.a. með strikamerkingum, lágmarksmarkmið um endurheimt drykkjarvöruumbúða, endurnýtingu og endurnotkun þeirra, sem félaginu ber að ná árlega, svo og um hlutverk Umhverfisstofnunar við að hafa eftirlit með því að sett markmið náist.
     18.      Ákvæði til bráðabirgða I falli brott.
     19.      Ákvæði til bráðabirgða III falli brott.
     20.      Ákvæði til bráðabirgða IV orðist svo:
                      Fyrir námuúrgangsstað sem nýttur er við gildistöku laga þessara skal sótt um starfsleyfi eigi síðar en 1. janúar 2012. Að öðrum kosti skal honum lokað.