ráðgefandi þjóðaratkvæðagreiðsla um tillögur stjórnlagaráðs að frumvarpi til stjórnarskipunarlaga.
Virðulegi forseti. Við munum örugglega fá ýmis tækifæri til að ræða atburði gærkvöldsins, hvað var sagt og hvað var ekki sagt, bæði þá og í morgun. Það er hins vegar alveg ljóst að það verður að halda því til haga að það var ákvörðun meiri hlutans að reyna atkvæðagreiðslu í gærkvöldi þrátt fyrir að hafa verið margítrekað bent á að hægt væri að halda þá atkvæðagreiðslu í dag sem að sjálfsögðu varð raunin. Við skulum halda því til haga.
Frú forseti. Ég kem hingað upp til að vekja athygli á því að ég held að það sé óskynsamlegt að vísa þessu máli til stjórnskipunar- og eftirlitsnefndar. Ég held að nefndin sé ófær um að halda málinu áfram. Ég legg því til að allsherjar- og menntamálanefnd fái málið til meðferðar og klári það. Stjórnskipunar- og eftirlitsnefnd er ófær um það.