Frú forseti. Við höfum fylgt þjónustusamningnum eftir með reglubundnum fundum með stjórnendum Ríkisútvarpsins og eftir atvikum stjórn Ríkisútvarpsins þar sem er farið yfir helstu atriði samningsins. Ég á von á því að við höldum því áfram. Vissulega má segja að það bætist í raun og veru við ákveðið eftirlit af hálfu fjölmiðlanefndar sem á sérstaklega að leggja mat á það hvort Ríkisútvarpið sé að veita fjölmiðlaþjónustu í almannaþágu. Hins vegar hvað varðar þjónustusamninginn, sem er mun ítarlegra og meira stefnumarkandi plagg, verður eftirfylgni áfram í höndum ráðuneytisins og með reglubundnum fundum með stjórn og stjórnendum Ríkisútvarpsins.