Virðulegur forseti. Ég þakka hæstv. ráðherra andsvarið og get vissulega tekið undir með henni að velferðarráðherra ber að sjálfsögðu ábyrgð á starfsemi heilbrigðisstarfsmanna þegar þeir eru komnir til starfa og að iðnaðarráðuneytið ber ábyrgð á starfsemi iðnaðarmanna þegar þeir eru komnir til starfa. Það kann að vera að eftirlit með störfum aðila eigi að vera í höndum fagráðuneytanna, en ég er enn þá hugsi yfir því hvort löggildingin, vegna þess að hún byggist fyrst og síðast á menntun, ætti ekki að heyra undir ráðherra sem fer með menntamál en eftirlit með starfsstéttum ætti að vera í höndum einstakra fagráðherra. En ég þakka hæstv. ráðherra andsvarið.