frávik vegna styrkja úr sjóði er fjármagnar aðstoð við umsóknarríki Evrópusambandsins.
Frú forseti. Ég vildi bara upplýsa það hér að þegar þetta mál var tekið út úr ríkisstjórn fyrir áramót, ég átti þá sæti í þeirri ríkisstjórn, lýsti ég fullkominni andstöðu við frumvarpið. Ég taldi það vera lið í aðlögun íslensks stjórnkerfis og stofnanaumhverfis að Evrópusambandinu löngu áður en búið væri að taka ákvörðun um aðild, sem ég vona að verði ekki. En hins vegar kemur skýrt fram í tillögu til þingsályktunar sem fylgdi frumvarpinu að stuðningsaðgerðunum er ætlað að styðja við land til að uppfylla skilyrði Evrópusambandsins í aðlögunarferlinu.
Ég vil líka árétta, frú forseti, að Vinstri hreyfingin – grænt framboð ályktaði á flokksráðsfundi 20. nóvember 2010 að ekki yrði heldur tekið við styrkjum sem ættu beinlínis að undirbúa aðild að Evrópusambandinu. Er skýrt kveðið á um það fyrir utan andstöðu flokksins við aðildarumsóknina í heild en sérstaklega við (Forseti hringir.) þær styrkveitingar sem hér er verið að sækjast eftir. Hefur flokkurinn lýst sig algerlega andvígan þeim.
(Forseti (RR): Forseti beinir þeim tilmælum til hv. þingmanna að þeir virði tímamörk.)