Frú forseti. Hv. þingmaður sagði, að mér heyrðist, að nefndin hefði ekkert kynnt sér þetta og vissi í rauninni ekkert um þetta. Hún vissi að hér væri verið að setja inn tegundir eins og álframleiðslu, það gat ég lesið í nefndarálitinu, það sá ég, en það sem ég spurði um er þetta: Er kominn markaður með koldíoxíðlosanir á Íslandi, sem ég mun ræða hér á eftir, örstutt reyndar, og ef ekki vildi ég spyrja hvers vegna? En ég fékk ekki svar við því og kannski veit hv. þingmaður það ekki.