Aðrar útgáfur af skjalinu: PDF - Word Perfect. Ferill 380. máls.
140. löggjafarþing 2011–2012.
Þingskjal 550  —  380. mál.

2. umræða.


Breytingartillaga



við frumvarp til laga um breytingu á lögum um almannatryggingar, lögum um atvinnuleysistryggingar og lögum um málefni aldraðra, með síðari breytingum.

Frá meiri hluta velferðarnefndar (ÁI, JRG, LGeir, KLM, VBj).


     1.      4. gr. orðist svo:
                 1. mgr. 62. gr. laganna orðast svo:
                 Heimilt er að veita styrki úr Atvinnuleysistryggingasjóði vegna þátttöku þeirra sem teljast tryggðir samkvæmt lögum þessum eða töldust tryggðir samkvæmt lögum þessum þegar þátttaka í vinnumarkaðstengdum úrræðum hófst í starfs- eða námstengdum vinnumarkaðsúrræðum. Enn fremur er heimilt að veita sömu aðilum sérstaka styrki vegna kostnaðar sem þeir verða fyrir í tengslum við að ráða sig til starfa fjarri heimili, sem og í tengslum við starfs- eða námstengd vinnumarkaðsúrræði.
     2.      5. gr. orðist svo:
                 Í stað orðanna „31. desember 2011“ í 3. mgr. ákvæðis til bráðabirgða X í lögunum kemur: 31. desember 2012.
     3.      Við bætist nýr kafli er verði IV. kafli, Breyting á lögum nr. 59/1992, um málefni fatlaðs fólks, með síðari breytingum, með einni nýrri grein, 7. gr., svohljóðandi:
                 Í stað orðanna „á árinu 2011“ í ákvæði til bráðabirgða V í lögunum kemur: á árinu 2012.
     4.      Fyrirsögn frumvarpsins verði: Frumvarp til laga um breytingu á lögum um almannatryggingar, lögum um atvinnuleysistryggingar, lögum um málefni aldraðra og lögum um málefni fatlaðs fólks, með síðari breytingum.