Aðrar útgáfur af skjalinu: PDF - Word Perfect. Ferill málsins.
140. löggjafarþing 2011–2012.
Þingskjal 1550  —  599. mál.
2. umræða.


Breytingartillaga


við frumvarp til laga um breytingu á lögum um fjölmiðla, nr. 38/2011
(eignarhaldsreglur, leiðrétting og úrbætur).

Frá meiri hluta allsherjar- og menntamálanefndar
(BjörgvS, SkH, JRG, ÞBack, ÞrB, BirgJ).

    1.     A-liður 1. gr. orðist svo: 3. tölul. orðast svo: Ábyrgðarmaður fjölmiðlaveitu er einstaklingur sem fer með ritstjórnarlegt vald á því efni sem miðlað er hverju sinni. Þegar um er að ræða óskráða en skráningarskylda fjölmiðlaveitu skv. 14. gr. telst ábyrgðarmaður vera sá einstaklingur sem fer með yfirstjórn fjölmiðlaveitunnar. Í öðrum tilvikum telst efnisstjóri fjölmiðlaveitu vera ábyrgðarmaður hennar.
    2.     Á eftir 2. gr. komi ný grein, svohljóðandi:
                Í stað orðanna „ákvæðum 27. og 28. gr.“ í a-lið 1. mgr. 5. gr. laganna kemur: banni við að kynda undir hatri á grundvelli kynþáttar, kynferðis, trúarbragða eða þjóðernis og skv. 28. gr.
    3.     4. gr. orðist svo:
                Eftirfarandi breytingar verða á 17. gr. laganna:
            a.     Við b-lið 1. mgr. bætist: og heimilisfang.
            b.     F-liður 1. mgr. orðast svo: eignarhald og yfirráð fjölmiðlaveitu.
            c.     3. mgr. orðast svo:
                    Umsækjandi um almennt leyfi skal láta í té vottorð um heimilisfesti, lögræði og búsforræði sitt og ábyrgðarmanns, og vottorð fyrirtækjaskrár um stofnun og tilvist félags, þegar við á.
            d.     Við bætist ný málsgrein, 4. mgr., svohljóðandi:
                    Skylt er að veita fjölmiðlanefnd öll gögn og upplýsingar svo rekja megi eignarhald og/eða yfirráð til einstaklinga, almennra félaga, opinberra aðila og/eða þeirra sem veita opinberum aðilum þjónustu og getur fjölmiðlanefnd hvenær sem er krafist þess að framangreindar upplýsingar séu veittar. Ákvæðið á einnig við um skráningu skv. 14. gr. og eigendaskipti skv. 22. gr.
    4.     5. gr. falli brott.
    5.     Efnismálsgrein 7. gr. orðist svo:
                Fjölmiðlum er óheimilt að hvetja til refsiverðar háttsemi. Þá er þeim óheimilt að kynda undir hatri á grundvelli kynþáttar, kynferðis, kynhneigðar, trúarskoðana, þjóðernis eða menningarlegrar, efnahagslegrar, félagslegrar eða annarrar stöðu í samfélaginu.
    6.     Á eftir 7. gr. komi ný grein, svohljóðandi:
                Við 32. gr. laganna bætist ný málsgrein, svohljóðandi:
                Fjölmiðlaveita skal birta upplýsingar um eignarhald og/eða yfirráð fjölmiðlaveitu eins tilkynnt hefur verið um slíkt í samræmi við 4. mgr. 17. gr., sbr. 14. gr. og 22. gr.
    7.     8. gr. falli brott.
    8.     Á eftir 8. gr. komi tvær nýjar greinar, svohljóðandi:
        a.    (9. gr.)
                    C-liður 1. mgr. 50. gr. laganna orðast svo:
                    Í öðrum tilvikum ber ábyrgðarmaður ábyrgð á því efni sem er miðlað.
        b.    (10. gr.)
                    C-liður 1. mgr. 51. gr. laganna orðast svo:
                    Í öðrum tilvikum en þeim sem eru tilgreind í a- og b-lið ber ábyrgðarmaður ábyrgð á því efni sem er birt.
    9.     10. gr. falli brott.