Ferill 79. máls. Aðrar útgáfur af skjalinu: PDF - Word Perfect.
144. löggjafarþing 2014–2015.
Þingskjal 237 — 79. mál.
Svar
utanríkisráðherra við fyrirspurn frá Össuri Skarphéðinssyni
um tolla af milliríkjaverslun við Japan.
Fyrirspurnin hljóðar svo:
Hve stór hluti af innflutningi frá Japan til Íslands og útflutningi Íslands til Japans, hlutfallslega og í krónum talið, var án tolla árið 2013?
Heildarinnflutningur frá Japan til Íslands nam um 8,7 milljörðum kr. á árinu 2013 samkvæmt upplýsingum embættis tollstjóra. Þar af nam tollfrjáls innflutningur tæpum 7,6 milljörðum kr., sem svarar til um 87% af heildarinnflutningnum.
Heildarútflutningur frá Íslandi til Japans nam um 11,4 milljörðum kr. á árinu 2013. Íslensk yfirvöld hafa ekki staðfestar upplýsingar um álagningu tolla við innflutning þessara vara til Japans.