Ferill 246. máls. Aðrar útgáfur af skjalinu: PDF - Word Perfect.
144. löggjafarþing 2014–2015.
Þingskjal 275 — 246. mál.
Fyrirspurn
til dómsmálaráðherra um áhrif fækkunar lögreglustjóra í Norðausturkjördæmi.
Frá Bjarkeyju Gunnarsdóttur.
1. Hversu margir lögreglustjórar þiggja biðlaun vegna fækkunar lögreglustjóra í Norðausturkjördæmi samkvæmt lögum nr. 51/2014, um breytingu á lögreglulögum, nr. 90/ 1996?
2. Hversu margir starfsmenn fyrri lögreglustjóraembætta fá ekki sambærilega vinnu og þeir voru í fyrir breytinguna?
3. Hversu margir starfsmenn fyrri lögreglustjóraembætta hafa verið ráðnir til starfa á öðrum umsýslusviðum ráðuneytisins?
4. Hversu há eru framlög á hvern íbúa Norðausturkjördæmis vegna lögreglustjóraembætta þar?
5. Hvaða forsendur liggja að baki áætlun um sértekjur upp á 12,7 millj. kr. hjá embætti lögreglustjórans á Austurlandi?
Skriflegt svar óskast.