Ferill 536. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 852 — 536. mál.
Fyrirspurn
til fjármála- og efnahagsráðherra um kaupauka í Íslandsbanka hf.
Frá Oddnýju G. Harðardóttur.
1. Voru greiddir eða samþykktir kaupaukar eða réttur til kaupa á hlutabréfum eða öðrum verðmætum í Íslandsbanka hf. við flutning á eignarhaldi hans til ríkisins og ef svo er, hverjir fengu fyrrgreind réttindi og hvað fékk hver og einn háa fjárhæð?
2. Voru gerðir samningar um hlutdeild einstaklinga eða lögaðila í afkomu bankans á næstu árum í tengslum við flutning á eignarhaldi hans til ríkisins? Ef svo er, um hvernig samninga er að ræða?
3. Voru í gildi fyrir flutning á eignarhaldinu samningar um valrétti, kaup eða yfirfærslu eignarréttar á hlutabréfum eða hlutdeild í arði eða öðrum ávinningi af rekstri bankans sem tengjast yfirfærslu á eignarhaldi bankans til ríkisins?
4. Hvaða samningar um kaupauka, rétt til kaupa á hlutabréfum eða yfirfærslu verðmæta til stjórnenda, starfsmanna og annarra aðila voru í gildi við flutning á eignarhaldi bankans til ríkisins?
Skriflegt svar óskast.
