Ferill 525. máls. Aðrar útgáfur af skjalinu: PDF - Word Perfect.
146. löggjafarþing 2016–2017.
Þingskjal 761 — 525. mál.
Fyrirspurn
til mennta- og menningarmálaráðherra um starfsmenn og nemendur Iðnskólans í Reykjavík og Iðnskólans í Hafnarfirði.
Frá Andrési Inga Jónssyni.
1. Var öllum starfsmönnum Iðnskólans í Reykjavík boðið starf við Tækniskólann þegar Iðnskólinn var einkavæddur árið 2008 og Rekstrarfélag Tækniskólans tók við rekstri hans?
2. Hófu allir starfsmenn Iðnskólans í Reykjavík störf hjá Tækniskólanum eftir sameiningu? Ef svo var ekki, óskast upplýsingar um hversu margir nýttu sér biðlaunarétt eða fóru á eftirlaun.
3. Héldu allir nemendur Iðnskólans í Reykjavík áfram námi við Tækniskólann eftir sameininguna? Ef svo var ekki, hversu mikið var brottfallið?
4. Var öllum starfsmönnum Iðnskólans í Hafnarfirði boðið starf við Tækniskólann þegar Iðnskólinn var einkavæddur sumarið 2015 og Rekstrarfélag Tækniskólans tók við rekstri hans?
5. Hófu allir starfsmenn Iðnskólans í Hafnarfirði störf hjá Tækniskólanum eftir sameiningu? Ef svo var ekki, óskast upplýsingar um hversu margir nýttu sér biðlaunarétt eða fóru á eftirlaun.
6. Hve margir þeirra starfsmanna sem voru við Iðnskólann í Hafnarfirði skólaárið 2014– 2015 eru nú við störf hjá Tækniskólanum?
7. Héldu allir nemendur Iðnskólans í Hafnarfirði áfram námi við Tækniskólann eftir sameininguna? Ef svo var ekki, hversu mikið var brottfallið?
Skriflegt svar óskast.