Ferill 540. máls. Aðrar útgáfur af skjalinu: PDF - Word Perfect.
146. löggjafarþing 2016–2017.
Þingskjal 1081 — 540. mál.
Svar
samgöngu- og sveitarstjórnarráðherra við fyrirspurn frá Smára McCarthy um íbúðir og íbúðarhús án íbúa.
1. Í hversu mörgum íbúðum og íbúðarhúsum eru engir íbúar skráðir til lögheimilis, sundurliðað eftir sveitarfélögum?
Ráðuneytið hefur ekki upplýsingar um fjölda íbúða eða íbúðarhúsa þar sem engir íbúar eru skráðir til lögheimilis vegna þess að einstaklingar eru ekki skráðir með lögheimili í íbúðir heldur á heimilisfang. Þjóðskrá Íslands getur tengt lögheimili við heimilisfang en síðan er ekki vitað hvernig íbúar skiptast innan hússins. Þannig geta 49 íbúar verið skráðir í húsi með 30 íbúðum en Þjóðskrá Íslands hefur ekki upplýsingar um hvort búið sé í öllum 30 íbúðunum.
Aftur á móti tók Hagstofa Íslands saman fjölda íbúða sem ekki voru í notkun árið 2011, en finna má þær upplýsingar á vefsíðu Hagstofu Íslands, hagstofa.is, sem sjá má í eftirfarandi töflu:
Sveitarfélag | Hefðbundnar íbúðir ekki í notkun | Sveitarfélag | Hefðbundnar íbúðir ekki í notkun. |
Akrahreppur | 25 | Ísafjarðarbær | 248 |
Akraneskaupstaður | 89 | Kaldrananeshreppur | 26 |
Akureyrarkaupstaður | 695 | Kjósarhreppur | 15 |
Sveitarfélagið Álftanes | 36 | Kópavogur | 167 |
Sveitarfélagið Árborg | 223 | Langanesbyggð | 44 |
Árneshreppur | 14 | Mosfellsbær | 117 |
Ásahreppur | 15 | Mýrdalshreppur | 57 |
Bláskógabyggð | 84 | Norðurþing | 146 |
Blönduósbær | 55 | Rangárþing eystra | 102 |
Bolungarvíkurkaupstaður | 49 | Rangárþing ytra | 89 |
Borgarbyggð | 323 | Reykhólahreppur | 44 |
Borgarfjarðarhreppur | 31 | Reykjanesbær | 1.527 |
Breiðdalshreppur | 26 | Reykjavík | 517 |
Bæjarhreppur | 12 | Sandgerðisbær | 64 |
Dalabyggð | 115 | Seltjarnarnesbær | 94 |
Dalvíkurbyggð | 80 | Seyðisfjarðarkaupstaður | 53 |
Djúpavogshreppur | 44 | Skaftárhreppur | 50 |
Eyja- og Miklaholtshreppur | 19 | Skagabyggð | 15 |
Eyjafjarðarsveit | 49 | Sveitarfélagið Skagafjörður | 234 |
Fjallabyggð | 271 | Sveitarfélagið Skagaströnd | 28 |
Fjarðabyggð | 270 | Skeiða- og Gnúpverjahreppur | 56 |
Fljótsdalshérað | 189 | Skorradalshreppur | 16 |
Fljótsdalshreppur | 8 | Skútustaðahreppur | 49 |
Flóahreppur | 46 | Snæfellsbær | 113 |
Garðabær | 118 | Strandabyggð | 52 |
Sveitarfélagið Garður | 53 | Stykkishólmur | 96 |
Grindavíkurbær | 62 | Súðavíkurhreppur | 30 |
Grímsnes- og Grafningshreppur | 56 | Svalbarðshreppur | 4 |
Grundarfjarðarbær | 40 | Svalbarðsstrandarhreppur | 14 |
Grýtubakkahreppur | 19 | Tálknafjarðarhreppur | 23 |
Hafnarfjörður | 49 | Tjörneshreppur | 7 |
Helgafellssveit | 18 | Vestmannaeyjabær | 110 |
Sveitarfélagið Hornafjörður | 66 | Vesturbyggð | 166 |
Hrunamannahreppur | 49 | Sveitarfélagið Vogar | 33 |
Húnavatnshreppur | 42 | Vopnafjarðarhreppur | 47 |
Húnaþing vestra | 125 | Þingeyjarsveit | 108 |
Hvalfjarðarsveit | 48 | Sveitarfélagið Ölfus | 52 |
Hveragerðisbær | 126 | ||
Hörgársveit | 25 |
Íbúðir sem ekki voru í notkun þann 31. desember 2011 voru samtals 8.277. Samkvæmt upplýsingum á vef Hagstofu Íslands er um að ræða hefðbundnar íbúðir í einbýlishúsum, hefðbundnar íbúðir í byggingum með þrjár eða fleiri íbúðir og hefðbundnar íbúðir í byggingum sem ekki eru ætlaðar til íbúðar. Nýrri upplýsingar liggja ekki fyrir.
2. Hversu margar íbúðir og íbúðarhús, sem hafa enga skráða íbúa, eru nýtt sem gististaður eða fyrir heimagistingu, sundurliðað eftir sveitarfélögum?
Upplýsingar liggja ekki fyrir.
3. Hversu margar íbúðir og íbúðarhús í eigu lögaðila eru án skráðra íbúa, sundurliðað eftir sveitarfélögum?
Hægt er að sjá hversu margar íbúðir eru í eigu lögaðila en að öðru leyti er ekki hægt að svara spurningunni og vísast hér að öðru leyti til fyrri hluta svars við 1. tölul. fyrirspurnarinnar.