Ferill 53. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Þingskjal 196 — 53. mál.
Svar
forseta Alþingis við fyrirspurn frá Birni Leví Gunnarssyni um húsnæðis-, dvalar- og ferðakostnað alþingismanna.
1. Hversu margir alþingismenn, flokkað eftir kjördæmum og mánuðum, fengu frá og með árinu 2013 mánaðarlega greiðslur samkvæmt:
a. 1. mgr. 6. gr. laga nr. 88/1995,
b. 2. mgr. 6. gr. sömu laga,
c. 3. mgr. 6. gr. laganna?
Óskað er eftir að tekið verði tillit til þess hafi orðið slíkar breytingar að þingmaður flytjist á milli flokka á tímabilinu og einnig að sýnd verði skipting eftir kjörtímabilum.
Í 6. gr. laga nr. 88/1995 eru ákvæði um greiðslu húsnæðis- og dvalarkostnaðar. Þingmenn í kjördæmum utan Reykjavíkurkjördæmanna og Suðvesturkjördæmis fá að jafnaði grunnfjárhæð skv. 1. mgr. Ef þingmenn halda tvö heimili er heimilt að greiða 40% álag skv. 2. mgr. Þeir þingmenn sem stunda heimanakstur fá 1/ 3 hluta grunnfjárhæðar, sbr. 3. mgr.
Þar sem almennt er ekki um að ræða breytingar milli mánaða á kjörtímabili nema þegar þingmaður hættir og nýr tekur við er miðað við stöðuna í lok desember ár hvert.
des. 2013 | des. 2014 | des. 2015 | des. 2016 | des. 2017 | |
Fjöldi með grunnfjárhæð | |||||
Norðvesturkjördæmi | 4 | 4 | 5 | 6 | 4 |
Norðausturkjördæmi | 10 | 10 | 10 | 10 | 10 |
Suðurkjördæmi | 4 | 4 | 4 | 6 | 5 |
Fjöldi sem fær 40% álag | |||||
Norðvesturkjördæmi | 4 | 4 | 4 | 2 | 2 |
Norðausturkjördæmi | 7 | 7 | 7 | 4 | 5 |
Suðurkjördæmi | 1 | 2 | 2 | 2 | 1 |
Fjöldi sem fær 1/3 grunnfjárhæðar (heimanakstur) | |||||
Norðvesturkjördæmi | 4 | 4 | 3 | 2 | 4 |
Norðausturkjördæmi | 0 | 0 | 0 | 0 | 0 |
Suðurkjördæmi | 6 | 6 | 6 | 4 | 5 |
2. Hvernig er „aðalheimili“ skilgreint skv. 6. gr. laga nr. 88/1995?
Aðalheimili er skilgreint sem skráð íbúðarhús þar sem þingmaðurinn hefur fasta búsetu. Lögheimili skiptir ekki máli í þessu sambandi.