Ferill 137. máls. Aðrar útgáfur af skjalinu: PDF - Word Perfect.


148. löggjafarþing 2017–2018.
Þingskjal 209  —  137. mál.




Fyrirspurn


til mennta- og menningarmálaráðherra um rekstur framhaldsskóla.

Frá Birni Leví Gunnarssyni.


     1.      Hver var fjöldi nýnema og fjöldi útskrifaðra nemenda í hverjum framhaldsskóla fyrir sig á hverri önn sl. 10 ár?
     2.      Hver var heildarfjöldi nemenda í hverjum framhaldsskóla á hverri önn sl. 10 ár?
     3.      Hver er sundurliðaður kostnaður framhaldsskólanna eftir önnum samkvæmt reiknilíkani ráðuneytisins sl. 10 ár, að meðtöldu árinu 2018 samkvæmt fjárlögum?
     4.      Hver hefur verið árleg úthlutun af safnliðum ráðuneytisins eftir skólum og hverjar eru forsendur úthlutunar hvers árs?
     5.      Hver var árlegur kostnaður sömu skóla samkvæmt ríkisreikningi og hver er helsta skýring árlegs fráviks í rekstri hvers skóla frá kostnaðarmati samkvæmt reiknilíkaninu?
     6.      Hvert var brottfall nemenda á hverri önn og hvernig skilgreinir ráðherra brottfall úr framhaldsskóla?
     7.      Er marktækur munur á brottfalli nemenda á milli framhaldsskóla? Ef svo er, hver er munurinn?
     8.      Hver var árlegur kostnaður hvers framhaldsskóla vegna brottfallinna nemenda og hvernig er kostnaður hvers skóla vegna brottfallinna nemenda gerður upp?
     9.      Hvað kostaði hver útskriftarnemi á önn að meðaltali hjá hverjum skóla?


Skriflegt svar óskast.