Ferill 173. máls. Aðrar útgáfur af skjalinu: PDF - Word Perfect.


148. löggjafarþing 2017–2018.
Þingskjal 247  —  173. mál.




Fyrirspurn


til dómsmálaráðherra um innheimtu sekta vegna umferðarlagabrota.

Frá Birgi Þórarinssyni.


     1.      Hver var álögð fjárhæð sekta vegna umferðarlagabrota erlendra ferðamanna á Íslandi á hverju ári 2015–2017 og samtals árin 2008–2014? Óskað er eftir upplýsingum um hvernig álagningin skiptist eftir helstu flokkum sekta.
     2.      Hver er útistandandi heildarfjárhæð ógreiddra sekta fyrir hvert ár 2015–2017 og samtals árin þar á undan, skipt eftir helstu flokkum sekta?
     3.      Hver eru árleg innheimtuhlutföll?
     4.      Hvernig skiptast dráttarvextir og annar kostnaður vegna innheimtu sektanna eftir árum?
     5.      Hverjar eru árlegar afskriftir, beinar og óbeinar, sbr. 1. tölul.?
     6.      Hvað má gera ráð fyrir að árlegur innheimtukostnaður vegna fyrrgreindra sekta nemi hárri fjárhæð, hver má gera ráð fyrir að fjöldi ársverka vegna innheimtunnar sé og hve stór hluti kostnaðarins hefur innheimst?
     7.      Hefur allur óbeinn kostnaður sem hlýst af innheimtuvinnu verið lagður á þá sem innheimtan beinist að og hefur hann allur innheimst?
     8.      Hvað hyggst ráðherra gera til þess að koma í veg fyrir að erlendir ferðamenn, sem sektaðir hafa verið vegna umferðarlagabrota, fari úr landi án þess að fullnægjandi greiðslur á sektum hafi borist eða fullnægjandi tryggingar fyrir greiðslu þeirra?
     9.      Í hverju felast fullnægjandi tryggingar að mati ráðherra og telur ráðherra að tryggingarnar hafi reynst fullnægjandi hingað til?


Skriflegt svar óskast.