Ferill 651. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Þingskjal 1217 — 651. mál.
Fyrirspurn
til heilbrigðisráðherra um biðlista á Vog.
Frá Söru Elísu Þórðardóttur.
1. Hvaða markmið um biðtíma og þjónustu við skjólstæðinga eru skilgreind í þjónustusamningi Sjúkratrygginga Íslands við SÁÁ um sjúkrahúsið Vog?
2. Hvernig hefur ráðherra eftirlit með því að markmiðum í þjónustusamningi Sjúkratrygginga Íslands við SÁÁ um sjúkrahúsið Vog sé náð?
3. Hversu margir létust meðan þeir voru á biðlista eftir rými á sjúkrahúsinu Vogi? Svar óskast sundurliðað eftir mánuðum árin 2013–2017.
4. Hver eru kynjahlutföll þeirra sem eru nú á biðlista eftir rými á sjúkrahúsinu Vogi?
5. Hversu margir þeirra sem voru á biðlista eftir rými á Vogi árin 2013–2017 skiluðu sér í meðferð að lokinni bið? Svar óskast sundurliðað eftir árum.
6. Telur ráðherra að framboð á meðferðarúrræðum fyrir fólk með fíknivanda sé nógu fjölbreytt? Hvernig hyggst ráðherra auka þetta framboð og gera fjölbreyttara á kjörtímabilinu?
Skriflegt svar óskast.
