Ferill 367. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 453 — 367. mál.
Fyrirspurn
til dómsmálaráðherra um valkvæðan viðauka við samning Sameinuðu þjóðanna um réttindi fatlaðs fólks.
Frá Þorgerði K. Gunnarsdóttur.
1. Hvers vegna hefur þingsályktun nr. 61/145, sem var samþykkt 20. september 2016 af fulltrúum allra flokka á Alþingi, ekki verið framfylgt hvað varðar að fullgilda fyrir árslok 2017 valkvæðan viðauka við samning Sameinuðu þjóðanna um réttindi fatlaðs fólks?
2. Hverju sæta tafir, sem nema nær ári, á fullgildingu valkvæða viðaukans?
3. Hvenær verður þingsályktuninni framfylgt af ráðuneytinu?
4. Myndi það flýta fyrir ferlinu að fela utanríkisráðuneytinu að framfylgja þeirri einróma afstöðu Alþingis sem felst í þingsályktuninni?
