Ferill 915. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1537 — 915. mál.
Fyrirspurn
til sjávarútvegs- og landbúnaðarráðherra um humarveiðar.
Frá Ingu Sæland.
1. Hver var árlegur fjöldi skipa sem stunduðu humarveiðar á árunum 2000–2018?
2. Hver var þróun á vélarafli og togkrafti skipa sem stunduðu humarveiðar á fyrrgreindu árabili?
3. Hver var þróun í stærð, þunga og gerð veiðarfæra við humarveiðar á sama árabili?
4. Hafa stjórnvöld hvatt til breyttra aðferða við veiðar á humri, svo sem að teknar verði upp gildruveiðar í stað togveiða?
Skriflegt svar óskast.
