Ferill 937. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1575 — 937. mál.
Fyrirspurn
til dómsmálaráðherra um spilakassa.
Frá Birni Leví Gunnarssyni.
1. Hverjar voru brúttótekjur Íslandsspila sf. og Happdrættis Háskóla Íslands af spilakössum árin 2015, 2016, 2017 og 2018?
2. Hver voru heildarrekstrargjöld hvors fyrirtækis á þessum árum og hve stór hluti rekstrargjalda rann annars vegar til kaupa og hins vegar til leigu á spilakössum?
3. Af hvaða aðilum hafa spilakassar, annars vegar Happdrættis Háskóla Íslands og hins vegar Íslandsspila sf., verið keyptir eða leigðir eftir atvikum fyrrgreind ár og hve stór hluti tekna af spilakössum, hlutfallslega og í krónum, rann til rekstraraðila þar sem spilakassar eru starfræktir?
4. Hverjar voru heildarvinningsfjárhæðir hvors fyrirtækis framangreind ár?
5. Hverjar voru tekjur hvors fyrirtækis að frádregnum vinningum og kostnaði sömu ár?
6. Hver voru heildarframlög hvors fyrirtækis vegna nýrra leikja eða spilakassa á þessum árum til:
a. forvarna,
b. meðferða,
c. markaðsmála og/eða rýnihópa?
Skriflegt svar óskast.
