Ferill 1023. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1980 — 1023. mál.
Fyrirspurn
til dómsmálaráðherra um rafrænar þinglýsingar.
Frá Ólafi Ísleifssyni.
1. Hverjir teljast vera helstu hagsmunaaðilar í skilningi 12. gr. reglugerðar um rafrænar þinglýsingar, nr. 360/2019?
2. Við hvaða hagsmunaaðila hefur verið haft samráð skv. 12. gr. reglugerðar nr. 360/2019, við hverja stendur til að hafa samráð, hverja ekki og hvers vegna?
3. Hvernig hyggst ráðherra gæta jafnræðis milli ólíkra hagsmunaaðila við samráð skv. 12. gr. reglugerðar nr. 360/2019?
4. Hvernig hyggst ráðherra tryggja aðkomu fulltrúa einstaklinga, sem eru aðilar að veðsamningum, að samráði skv. 12. gr. reglugerðar nr. 360/2019?
5. Hvernig sér ráðherra fyrir sér að aðrir en þinglýstir veðkröfuhafar geti sannað rétt sinn til veðréttinda sem þeir gætu viljað leiðrétta skráningu á skv. 12. gr. reglugerðar nr. 360/2019, ef ekki með framvísuðu frumriti veðbréfs árituðu um framsal?
6. Hvernig geta einstaklingar sem eru aðilar að veðsamningum leitað leiðréttingar á skráningu kröfuhafa í þeim tilvikum þegar skráning þeirra kann að vera röng?
Skriflegt svar óskast.