Ferill 723. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1991 — 723. mál.
Svar
dómsmálaráðherra við fyrirspurn frá Ingu Sæland um nefndir, starfshópa, faghópa og ráð á vegum ráðuneytisins.
Fyrirspurnin hljóðar svo:
1. Hvaða nefndir, starfshópar, faghópar, ráð og áþekkir hópar starfa á vegum ráðuneytisins? Meðlimir hvaða hópa fá greidd laun fyrir vinnu sína?
2. Hversu mikill kostnaður hlaust af starfsemi framangreindra hópa árið 2018?
3. Hyggst ráðherra stuðla að einfaldara og ódýrara stjórnkerfi með því að fækka launuðum nefndum, starfshópum, faghópum, ráðum og áþekkum hópum á vegum ráðuneytisins?
1. Eftirfarandi nefndir, starfshópar, faghópar og ráð eru nú starfandi á vegum ráðuneytisins án þess að greidd séu laun fyrir.
– Kennslanefnd
– Skólanefnd Fangavarðaskóla Íslands
– Stýrihópur um varnir gegn peningaþvætti og fjármögnun hryðjuverka
– Álitsnefnd vegna umsókna um skráningu trúfélags eða lífskoðunarfélags
– Fastanefnd á sviðið happdrættismála
– Almannavarna- og öryggismálaráð
– Stjórn samhæfingar- og stjórnstöðvar
– Stýrihópur í málefnum landamæra 2017
– Stýrihópur um útboð vegna kaupa á þyrlum fyrir LHG
– Starfshópur um tillögur að lokuðu úrræði fyrir útlendinga á grundvelli útlendingalaga
– Vinnuhópur vegna vinnu að skýrslu um samning SÞ um réttindi barnsins
– Vinnuhópur vegna vinnu að skýrslu um samning SÞ um réttindi fatlaðs fólks
– Stýrihópur stjórnarráðsins um mannréttindi
– Nauðasamninganefnd
– Ritstjórn lagasafns
– Skipun prófdómara fyrir námskeið til að verða héraðsdómslögmaður vor 2019.
Meðlimir í eftirfarandi hópum, einn eða fleiri, fá greitt fyrir störf sín:
– Hæfnisnefnd lögreglunnar
– Náðunarnefnd
– Bótanefnd
– Ættleiðingarnefnd
– Kærunefnd útlendingamála
– Mannanafnanefnd
– Gjafsóknarnefnd
– Dómnefnd til að fjalla um hæfni umsækjenda um embætti hæstaréttardómara og héraðsdómara (til ársins 2018)
– Nefnd um eftirlit með málskostnaði í opinberum málum
– Refsiréttarnefnd
– Réttarfarsnefnd
– Nefnd um dómarastörf
– Endurupptökunefnd
– Matsnefnd eignarnámsbóta
– Örorkunefnd
– Prófnefnd til að vera héraðsdómslögmaður
– Stjórn Persónuverndar
– Happdrættisráð Dvalarheimilis aldraðra sjómanna
– Happdrættisráð Háskóla Íslands
– Happdrættisráð Sambands ísl. berkla- og brjóstholssjúklinga
– Eftirlitsmenn með íslenskum getraunum
– Eftirlitsmenn með talnagetraunm
– Nefnd um eftirlit með störfum lögreglu
2. Kostnaður ráðuneytisins vegna fyrrgreindra hópa á árinu 2018 nam samtals u.þ.b. 139 millj. kr. Kostnaður vegna vinnuframlags starfsmanna ráðuneytisins vegna hópanna er ekki tiltekinn. Ekki er einungis um launakostnað að ræða heldur einnig kostnað við aðkeypta þjónustu, ferðakostnað og leigu á aðstöðu.
3. Ráðherra fylgist með árangri af störfum launaðra nefnda og ráða og farið er reglulega yfir hvort þörf sé á breytingum. Breytingar hafa verið gerðar á nefndum og ráðum, til dæmis nefndir sameinaðar, eða lagðar niður. Leiðarljósið er ávallt að tryggja árangur og góða nýtingu á opinberu fé.
