Ferill 101. máls. Aðrar útgáfur af skjalinu: PDF - Word Perfect.
150. löggjafarþing 2019–2020.
Þingskjal 413 — 101. mál.
2. umræða.
Breytingartillaga
við frumvarp til laga um skráningu einstaklinga.
Frá meiri hluta allsherjar- og menntamálanefndar
(PállM, AIJ, AKÁ, BjG, BÁ, GuðmT, HBH, JSV).
1. Í stað orðanna „gera mögulegt að halda áreiðanlega“ í 1. gr. komi: tryggja að haldin sé áreiðanleg.
2. Á eftir 13. tölul. 4. gr. komi nýr töluliður, svohljóðandi: Úrtaksaðili: Sá aðili sem hefur heimild til úrtaksvinnslu á grundvelli samnings við Þjóðskrá Íslands.
3. Við 5. gr.
a. Í stað orðanna „þjóðerni, trúarbrögð“ komi: ríkisfang, fæðingarland, skráningu í trú- og lífsskoðunarfélög.
b. Fyrirsögn greinarinnar orðist svo: Vinnsla persónuupplýsinga.
4. Við 6. gr.
a. Á eftir 3. tölul. 1. mgr. komi nýr töluliður, svohljóðandi: fæðingarstaður.
b. Orðin „sbr. 14. tölul. 4. gr.“ í 16. tölul. 1. mgr. falli brott.
c. Við 2. mgr. bætist: eða til hagskýrslugerðar.
5. Við 15. gr.
a. 3. mgr. orðist svo:
Þjóðskrá Íslands heldur skrá yfir þá sem andmæla því að nöfn þeirra séu notuð í markaðssetningarstarfsemi. Ráðherra setur, í samráði við Þjóðskrá Íslands og Persónuvernd, nánari reglur um gerð og notkun slíkrar skrár og hvaða upplýsingar skuli koma þar fram. Ábyrgðaraðilar sem starfa í beinni markaðssókn og þeir sem nota skrá með nöfnum, heimilisföngum, netföngum, símanúmerum og þess háttar eða miðla þeim til þriðja aðila í tengslum við slíka starfsemi skulu, áður en slík skrá er notuð í slíkum tilgangi, bera hana saman við skrá Þjóðskrár Íslands til að koma í veg fyrir að markpóstur verði sendur eða hringt verði til einstaklinga sem hafa andmælt slíku. Þjóðskrá Íslands getur heimilað undanþágu frá þessari skyldu í sérstökum til vikum í samræmi við ákvæði laga um persónuvernd og vinnslu persónuupplýsinga.
b. Orðin „meðan verndar nýtur við“ í 4. mgr. falli brott.
6. 2. mgr. 16. gr. falli brott.
7. 2. mgr. 18. gr. orðist svo:
Þjóðskrá Íslands getur krafist þess að lögð verði fram staðfesting yfirvalds á gildi erlendra skjala eða vottorða.
8. Við 21. gr.
a. Í stað orðanna „ nöfn og heimilisföng þátttakenda“ í 3. málsl. 2. mgr. komi: upplýsingar um þátttakendur.
b. Við 3. málsl. 2. mgr. bætist: enda eru upplýsingarnar skráðar hjá Þjóðskrá Íslands.
c. 3. mgr. orðist svo:
Sveitarfélög eiga, án þess að sérstök greiðsla komi fyrir, rétt á íbúaskrám til að sinna skyldum sínum skv. 3. mgr. 17. gr.
9. Við 25. gr. bætist nýr töluliður, svohljóðandi: Lög um persónuvernd og vinnslu persónuupplýsinga, nr. 90/2018, með síðari breytingum: 2. og 3. mgr. 21. gr. laganna falla brott.
