Ferill 558. máls. Aðrar útgáfur af skjalinu: PDF - Word Perfect.
150. löggjafarþing 2019–2020.
Þingskjal 919 — 558. mál.
Fyrirspurn
til samgöngu- og sveitarstjórnarráðherra um olíuflutninga.
Frá Bjarna Jónssyni.
1. Hefur verið lagt mat á áhrif fækkunar olíubirgðastöðva á magn og eðli olíuflutninga um þjóðvegi landsins og hvaða mat leggur ráðherra á afleiðingar breytinga á olíuflutningum?
2. Hvaða aðgerðir hafa komið til framkvæmda eða eru fyrirhugaðar til að bregðast við aukinni áhættu fyrir neysluvatn Íslendinga og viðkvæm vistkerfi, ekki síst í vötnum, straumvötnum og votlendi og við strendur landsins, samfara olíuflutningum?
3. Telur ráðherra að fara þurfi yfir reglur og jafnvel lagaumgjörð með umbætur í huga til að lágmarka þá áhættu sem auknir olíuflutningar á landi hafa í för með sér, og þá helst hvaða atriði? Ef svo er ekki, hvaða skýringar eru á því?
Skriflegt svar óskast.
