Ferill 1003. máls. Aðrar útgáfur af skjalinu: PDF - Word Perfect.
150. löggjafarþing 2019–2020.
Prentað upp.
Þingskjal 2110 — 1003. mál.
Viðbót.
Fyrirspurn
til heilbrigðisráðherra um skimun fyrir krabbameini.
Frá Andrési Inga Jónssyni.
1. Hversu stór hluti kvenna hefur tekið þátt í brjósta- og leghálsskimun á hverju ári undanfarin fimm ár? Svar óskast sundurliðað eftir aldri kvenna og tegund skimunar.
2. Hver hefur hlutur annars vegar kvenna af erlendum uppruna og hins vegar fatlaðra kvenna verið í krabbameinsskimun? Svar óskast sundurliðað sem að framan.
3. Hversu mörg ár líða milli þess að konur eru boðaðar í skimun? Hversu langur tími líður milli hverrar boðunar í helstu samanburðarlöndum?
4. Hvað mælir gegn því að konur hafi sjálfdæmi um að verða skimaðar oftar en heilbrigðisyfirvöld mæla fyrir um? Hversu mikil ásókn ætlar ráðherra að yrði í tíðari skimun?
5. Geta konur í helstu samanburðarlöndum óskað þess að verða skimaðar oftar en heilbrigðisyfirvöld í hverju landi mæla fyrir um? Ef svo er, með hvaða rökum?
6. Telur ráðherra ástæðu til að efla HPV-bólusetningu gegn leghálskrabbameini þannig að hún nái til einstaklinga af öllum kynjum? Hvað kostaði slík breyting?
Skriflegt svar óskast.
